Նորություններ

ԹՈՂ ԹԱԳԱՎՈՐԵՆ ԲԱՐԻՆ ՈՒ ԳԵՂԵՑԻԿԸ, ՍԵՐՆ ՈՒ ՄԻՈՒԹՅՈՒՆԸ

Սույն թվականի հոկտեմբերի 21-ին Գավառի պետական համալսարանի բանասիրական ֆակուլտետի անգլերեն լեզվի և գրականության բաժնի 2-րդ կուրսի ուսանողները բուհի օտար լեզուների ամբիոնի դասախոս Աննա Բալագոզյանի և պատմության ամբիոնի դասախոս Քանաքարա Հայրապետյանի ղեկավարությամբ այցելեցին Մարտիրոս Սարյանի տուն-թանգարան, ապա մասնակցեցին Էրեբունի-Երևանի ծննդյան 2800-ամյակին նվիրված տոնական միջոցառումներին։

Ուսանողները փաստեցին, որ օրվա խորհրդին շատ համահունչ են մեծ վարպետի խոսքերը․ «Շատ ուրախ եմ, որ Երևանը կառուցվում է և վերածվում մայրաքաղաքի։ Ես նույնպես երազում եմ կառուցել մի տնակ ու արվեստանոց, նույնիսկ մի առանձին փոքրիկ պատկերասրահ իմ գործերի համար»։

Ուսանողները թանգարանի էքսկուրսավարի օգնությամբ հայտնվեցին Մարտիրոս Սարյանի խորհրդավոր աշխարհում, որտեղ թագավորում են արվեստի կախարդիչ ուժը, սարյանական վառ գույներն ու անսահման երևակայությունը, սերն ու բնությունը, գեղեցիկն ու հավիտենականը, ազգային ու համամարդկային արժեքները:

Երեկոյան ուսանողները միացան Հայաստանի Հանրապետության հրապարակում անցկացվող հոբելյանական միջոցառմանը, որն ամփոփվեց բազմերանգ հրավառությամբ։

Պատմական օրն անցկացված էքսկուրսիան ուսանողների համար անմոռանալի էր, լի՝ գեղեցիկ ու տպավորիչ ակնթարթներով և մեծ ցանկությամբ, որ աշխարհում միշտ հաստատուն լինեն բարին ու գեղեցիկը, սերն ու միությունը։

Այլ նորություններ

Ընտրեք արտարժույթը
betebet giriş bonus veren casino siteleri
betvole betlike süpertotobet megabahis trbet