Նորություններ

ՏՆՏԵՍԱԳԻՏՈՒԹՅՈՒՆԸ՝ ԳՈՐԾՈՂՈՒԹՅԱՆ ՄԵՋ

Գավառի պետական համալսարանի տնտեսագիտական ֆակուլտետի դեկան Սամվել Ամիրխանյանի նախաձեռնությամբ ֆակուլտետի «Ֆինանսներ» և «Հաշվապահական հաշվառում և հարկում» բաժինների ուսանողների համար ս․ թ․ հոկտեմբերի 29-ին անցկացվեց հերթական մեկօրյա արտադրական պրակտիկան: ԳՊՀ ուսանողները նախ այցելեցին Հայաստանի Հանրապետության Կենտրոնական բանկ, որտեղ շրջեցին ազգային բանկի թանգարանում, ծանոթացան հնում գործածության մեջ եղած մետաղադրամներին ու թղթադրամներին, ինչպես նաև սույն թվականի նոյեմբերի 22-ից շրջանառության մեջ դրվելիք թղթադրամներին:

Կենտրոնական բանկում Զարուհի Բարսեղյանն անցկացրեց բաց դաս՝ նվիրված Հայաստանի Հանրապետության դրամավարկային քաղաքականության, գնաճի, վերաֆինանսավորման տոկոսադրույքի, սպառողական զամբյուղի կազմի վրա ազդող գործոնների և այլ հիմնախնդիրներին:

Այնուհետև ուսանողները եղան Կենտրոնական բանկի հարևանությամբ գտնվող «Կամար» բիզնես կենտրոնում, որտեղ գործում է նաև ‹‹Ամերիաբանկ›› ՓԲԸ-ն: «Կամարի» ինքնատիպ նորարարական լուծումներից մեկը «Green Lad» ընկերության նախագծած «կանաչ» պատն է, որը դասվում է աշխարհի ամենամեծ «կանաչ» պատերի շարքին, ունի 20 մետր բարձրություն, իսկ ընդհանուր մակերեսը կազմում է 160 քառակուսի մետր։ Ուսանողները եղան «Կամար»-ում բացված թանգարանում, որտեղ ծանոթացան բացառիկ լուսանկարների՝ հայտնաբերված Երևանի և Թբիլիսիի արխիվներից: Թանգարանում հավաքագրված է հետաքրքիր և ուսանելի տեղեկատվություն պատմական անցքերի, կարևոր նշանակություն ունեցած շենքերի, Գյուղատնտեսական բանկի և հարակից կառույցների, նախկինում ֆինանսական կենտրոն հանդիսացած հրապարակի վերաբերյալ:

Ուսանողներն այցելեցին նաև Աշտարակ քաղաքում գործող «Պռոշյանի կոնյակի գործարան» ՓԲԸ, որը հիմադրվել է 1990-ական թվականներին։ Գործարանի լաբորատորիայի աշխատակցի ուղեկցությամբ ուսանողները ծանոթացան կոնյակի և գինու արտադրման գործընթացի բոլոր փուլերին, գործարանում կիրառվող նորագույն տեխնոլոգիաներին, արտադրման և իրացման առանձնահատկություններին:

Շրջայցը շարունակվեց գինու և կոնյակի պահեստավորման սրահում, որտեղ ուսանողները ծանոթացան գինու և կոնյակի պահպանման պայմաններին: Բազմաթիվ հարցերից ու հանգամանալից պատասխաններից հետո ուսանողներն արձանագրեցին, որ գործարանի արտադրանքը որակյալ է, մրցունակ, սիրված ու պահանջված սպառողների կողմից:

Գործարանի արտադրանքն արտահանվում է հիմնականում Ռուսաստան, ինչպես նաև Ուկրաինա, Լատվիա, Լիտվա, Գերմանիա:

Ուսանողների մեկօրյա պրակտիկան հագեցած էր, ուսուցողական և բովանդակալից։

Ապագա տնտեսագետները հաճախակի են անցկացնում պրակտիկ դասեր՝ ընկալելու համար տնտեսագիտությունը՝ գործողության մեջ։

Այլ նորություններ

Ընտրեք արտարժույթը
betebet giriş bonus veren casino siteleri
betvole betlike süpertotobet megabahis trbet
lunabit