Նորություններ

ԳՊՀ ՈՒՍԱՆՈՂՆԵՐԸ՝ ՀԱՆՐԱՊԵՏԱԿԱՆ ԳԻՏԱԺՈՂՈՎԻ ՄԱՍՆԱԿԻՑՆԵՐ

Ս․ թ․ նոյեմբերի 6-ին Վանաձորի Հովհաննես Թումանյանի անվան պետական համալսարանում տեղի ունեցավ ուսանողական գիտական ընկերության հերթական՝ 8-րդ նստաշրջանը՝ նվիրված Մայիսյան հերոսամարտերի և Հայաստանի առաջին հանրապետության հռչակման 100-ամյակներին:

Գիտաժողովին մասնակցում էին ուսանողներ Գավառի պետական, Հայաստանի ամերիկյան, Վանաձորի, Արցախի, Հայաստանի պետական մանկավարժական համալսարաններից, Վազգեն Սարգսյանի անվան ռազմական ինստիտուտից, ԵՊՀ Իջևանի մասնաճյուղից, Գևորգյան հոգևոր ճեմարանից։

ՎՊՀ գիտության և արտաքին կապերի գծով պրոռեկտոր, բանասիրական գիտությունների թեկնածու, դոցենտ Արեն Սանթոյանը, ողջունելով մասնակիցներին, կարևորեց այն հանգամանքը, որ հանրապետության տարբեր բուհերի ուսանողներ համախմբվել են գիտաժողովի շրջանակներում, և նշեց, որ մասնագիտական ամբիոնների կողմից երաշխավորված զեկուցումները կտպագրվեն Վանաձորի պետական համալսարանի «Ուսանողական հանրապետական գիտաժողովի նյութեր» ժողովածուի հերթական համարում:

Գիտաժողովը մեկնարկեց լիագումար նիստով, ապա աշխատանքները շարունակվեցին հետևյալ մասնագիտական բաժանմունքներում՝ լեզվաբանություն, գրականություն, տնտեսագիտություն և բնագիտություն, կենսաբանություն և քիմիա, մանկավարժություն և հոգեբանություն։

Գավառի պետական համալսարանից գիտաժողովի մասնակիցներին ուղեկցում էր բնագիտական ֆակուլտետի ակադեմիական խորհրդատու Լալա Մկրտչյանը։

Ուսանողները գիտական զեկուցումներ ներկայացրին հետևյալ թեմաներով․

1. Անահիտ Սաքեյան, բնագիտական ֆակուլտետի «Դեղագործական քիմիա» բաժնի 3-րդ կուրսի ուսանողուհի, թեմա՝ «Հայաստանի որոշ դեղաբույսերի հակամանրէային, հակաօքսիդանտային և հակաբորբոքային ազդեցությունները», (գիտական ղեկավար՝ կ. գ. թ․, դոցենտ Լյուդմիլա Առաքելյան),

2. Աշոտ Մովսիսյան, տնտեսագիտական ֆակուլտետի «Հաշվապահական հաշվառում և հարկում» բաժնի 2-դ կուրսի ուսանող, թեմա՝ «Միջազգային ֆինանսական ճգնաժամի վերլուծությունը և հետևանքների գնահատումը ՀՀ արժութային համակարգում», (գիտական ղեկավար՝ տ. գ .թ․, դոցենտ Սամվել Ամիրխանյան),

3. Գայանե Ղարիբյան, բանասիրական ֆակուլտետի «Հայոց լեզու և գրականություն» բաժնի 2-րդ կուրսի ուսանողուհի, թեմա՝ «Հայ ժողովրդական տոնակատարությունները Ակունք գյուղում» (գիտական ղեկավար՝ բ․գ․թ․, դոցենտ Լուսինե Ղռեջյան),

4. Գոհար Սահակյան, բնագիտական ֆակուլտետի «Դեղագործական քիմիա» բաժնի 2-րդ կուրսի ուսանողուհի, թեմա՝ «Էթիլենը որպես բուսական հորմոն», (գիտական ղեկավար՝ կ. գ. թ․, դոցենտ Լյուդմիլա Առաքելյան),

5. Ժենյա Գասպարյան, բնագիտական ֆակուլտետի «Դեղագործական քիմիա» բաժնի 2-րդ կուրսի ուսանողուհի, թեմա՝ «Քիմիական նյութեր և դեղամիջոցներ» (գիտական ղեկավար՝ կ. գ. թ., դոցենտ Լյուդմիլա Առաքելյան),

6. Խորեն Բաղդասարյան, բնագիտական ֆակուլտետի «Ինֆորմատիկա և հաշվողական տեխնիկա» բաժնի 4-րդ կուրսի ուսանող, թեմա՝ «Գեհեն» (գիտական ղեկավար՝ տ. գ. թ., Վարազդատ Ավետիսյան),

7. Կարեն Մաստոյան, բնագիտական ֆակուլտետի «Համակարգչային ճարտարագիտություն» բաժնի 3-րդ կուրսի ուսանող, թեմա՝ «Արևային մարտկոցները և դրանց աշխատանքի արդյունավետությունը բարձրացնելու եղանակները», (գիտական ղեկավար՝ տ. գ. թ., դոցենտ Մամիկոն Հակոբյան),

8. Ջուլիետա Մուշեղյան, բնագիտական ֆակուլտետի «Դեղագործական քիմիա» բաժնի 3-րդ կուրսի ուսանողուհի, թեմա՝ «Բորբոս», (գիտական ղեկավար՝ կ. գ. թ., դոցենտ Լյուդմիլա Առաքելյան)։

Գիտաժողովի ավարտին բոլոր մասնակիցներին շնորհվեցին հավաստագրեր։

Այլ նորություններ

Ընտրեք արտարժույթը
betebet giriş bonus veren casino siteleri
betvole betlike süpertotobet megabahis trbet
lunabit
bedava bahis
astekbet betcobahis betpas egobet
lordspalacebet fenomenbet betvole betebet