Նորություններ

ԾՐԱԳՐԱՎՈՐՈՂԻ ՄԱՍՆԱԳԻՏՈՒԹՅՈՒՆԸ ԵՎ ՏԵՂԵԿԱՏՎԱԿԱՆ ՏԵԽՆՈԼՈԳԻԱՆԵՐԻ ԱՇԽԱՏԱՇՈՒԿԱՆ ԳԱՎԱՌՈՒՄ

 

Այսօր Գավառի պետական համալսարանը և «Luseen Technologies» տեղեկատվական տեխնոլոգիաների զարգացման կենտրոնը համատեղ իրականացրին «Ծրագրավորողի մասնագիտությունը և տեղեկատվական տեխնոլոգիաների ոլորտում աշխատելու հնարավորությունները Գավառում» թեմայով բաց-դասախոսություն:

Միջոցառման նպատակն էր աշակերտներին ներկայացնել տեղեկատվական տեխնոլոգիաների ոլորտի մասնագիտությունների առանձնահատկությունները, բացահայտել ծրագրավորողի մասնագիտական նկարագիրը, ցույց տալ Գավառում աշխատելու իրական հնարավորությունները։

Բաց-դասախոսությանը ներկա էին բուհի պրոֆեսորադասախոսական, վարչական անձնակազմի ներկայացուցիչներ, ուսանողներ, ուսուցիչներ և աշակերտներ՝ Սևանի ավագ դպրոցից, Սարուխանի թիվ 3 միջնակարգ դպրոցից, Գավառի թիվ 7 միջնակարգ դպրոցից։

Ողջույնի խոսքով հանդես եկավ Գավառի պետական համալսարանի ռեկտոր Ռուզաննա Հակոբյանը, ով կարևորեց աշակերտների մասնագիտական կողմնորոշմանը միտված բաց դասերի կազմակերպումը, դպրոցականների ճիշտ ուղղորդումը։

Բաց դասի ընթացքում անդրադարձ կատարվեց տեղեկատվական և հաղորդակցական տեխնոլոգիաների սրընթաց զարգացող ոլորտում առկա խնդիրներին, մասնագետներին ներկայացվող պահանջներին, ինչպես նաև Գավառ քաղաքում ՏՏ ոլորտում աշխատելու հնարավորություններին:

«Madatech» ընկերության հիմնադիր տնօրեն Դավիթ Բաբայանը ներկայացրեց ծրագրավորողի մասնագիտությունը, ծրագրավորման ոլորտի զարգացման պատմությունը, ծրագրավորման լեզուների կիրառությունը, ներկայիս զարգացման միտումները։ Դավիթ Բաբայանը ներկայացրեց նաև իր ղեկավարած կազմակերպության գործունեությունն ու առաջարկվող ծառայությունները։

Այնուհետև «Gazar.am» նախագծի հեղինակ և հիմնադիր Տիգրան Բայբուրսցյանը կիսվեց իր աշխատանքային փորձով, ներկայացրեց «Gazar.am» կայքի ստեղծման պատմությունը, ինչպես նաև ՏՏ ոլորտում առցանց աշխատելու հնարավորությունները։

ԳՊՀ շրջանավարտ, «AddonsLab» ընկերության աշխատակից, ՀՀ Գեղարքունիքի մարզի Գեղարքունիք գյուղի «Արմաթ» ինժեներական լաբորատորիայի խմբակավար Արտակ Դռնոյանը

ներկայացրեց «AddonsLab» ընկերության մատուցած ծառայությունները և Գավառ քաղաքում ընկերության գործունեությունը ընդլայնելու միտումները, թափուր աշխատատեղերի ցանկը։

ԳՊՀ ինֆորմատիկայի և ֆիզիկամաթեմատիկական գիտությունների ամբիոնի վարիչ, «Luseen Mobile» ընկերության համահիմնադիր, «Luseen technologies» ՏՏ կենտրոնի համահիմնադիր նախագահ Վարազդատ Ավետիսյանն անդարադարձ կատարեց Հայաստանում և Գեղարքունիքի մարզում տեղեկատվական տեխնոլոգիաների ոլորտի զարգացումներին, Գեղարքունիքի մարզում «Luseen technologies» ՏՏ կենտրոնի դերին ու նշանակությանը։

Պարոն Ավետիսյանը ներկայացրեց Գավառ քաղաքում առաջին ՏՏ ընկերության հաջողված փորձը, գործունեությունը՝ կարևորելով համալսարանի հետ ակտիվ համագործակցությունը։

Բաց դասին ներկա աշակերտները հյուր խոսնակներին դիմեցին իրենց հետաքրքրող հարցերով և ստացան անմիջական, անկեղծ, միաժամանակ, խելացի և փորձով հիմնավորված պատասխաններ։ Դասն ուսուցողական էր, ինքնատիպ և հիշարժան։

Այլ նորություններ

Ընտրեք արտարժույթը
sanliurfa escort bayan canakkale escort bayan samsun escort bayan afyon escort bayan manisa escort bayan