Նորություններ

ԳՊՀ ՈՒՍԱՆՈՂՆԵՐԸ՝ «ՆԱԻՐԻԱՆ»-ՈՒՄ

Սույն թվականի հոկտեմբերի 3-ին Գավառի պետական համալսարանի բնագիտական ֆակուտետի դեղագործական քիմիա բաժնի 3-րդ և 4-րդ կուրսի ուսանողները մեկօրյա ուսումնական պրակտիկա անցկացրին «Նաիրիան» ընկերությունում: Պրակտիկան ղեկավարում էր ԳՊՀ դասախոս, տեխնիկական գիտությունների թեկնածու, պրոֆեսոր Արտաշես Թադևոսյանը։ Ուսանողներին ուղեկցում էր նաև բնագիտական ֆակուլտետի փոխդեկան, կենսաբանական գիտությունների թեկնածու Թերմինե Խաչիկյանը:
Ուսանողները տեղեկացան, որ «Նաիրիան» ընկերությունը հիմնադրվել է 2012թ.-ին և զբաղվում է բնական հումքով դիմահարդարման և խնամքի միջոցների արտադրությամբ: Ընկերության արտադրամասը տեղակայված է Կոտայքի մարզի Արագյուղ համայնքում, որտեղ կան յուրահատուկ բնակլիմայական պայմաններ արժեքավոր եթերայուղատու բույսերի աճեցման համար: Որպես հումք օգտագործվում են սպիտակ ուռենու, կռատուկի, եղեսպակի, վաղինակի, տերեփուկի, ուրցի, դաղձի, թարխունի, վարդի և այլ բուսատեսակների վեգետատիվ և գեներատիվ օրգանները, դրանցից կորզած տարատեսակ եթերայուղերը, ինչպես նաև մեղրամոմը: Ընկերության արտադրանքը արտահանվում է Մեծ Բրիտանիա, ԱՄՆ, Ռուսաստան, Ճապոնիա և այլ երկրներ:
Ուսանողներն արտադրամասում ծանոթացան բուսատեսակների ցանքի և հավաքի մեթոդիկային, կոսմետիկ միջոցների արտադրման տեխնոլոգիաներին, եթերայուղերի թորման, ինչպես նաև քանակական ու որակական անալիզի առանձնահատկություններին: Մասնագետների կողմից ներկայացվեց նաև տարբեր արտադրատեսակների ճիշտ շշալցման և փաթեթավորման կարևորությունը: Ուսանողներին հնարավորություն ընձեռվեց փորձարկելու բնական հումքով արտադրված տարբեր օճառներ, մաշկը մաքրող հակամիկրոբային միջոցներ և զանազան եթերայուղեր:
Պրակտիկան ծառայեց իր նպատակին` թույլ տալով ուսանողներին գնահատելու հայկական բնաշխարհի էնդեմիկ ռեսուրսների և մարդկային ներուժի գրագետ զուգակցման տպավորիչ արդյունքները:

Այլ նորություններ

Ընտրեք արտարժույթը
betebet giriş bonus veren casino siteleri
betvole betlike süpertotobet megabahis trbet