Նորություններ

ԵՄ «ԷՐԱՍՄՈՒՍ + ՄԵՆՎԻՊՐՈ» ԾՐԱԳԻՐԸ՝ ԳՈՐԾՈՂՈՒԹՅԱՆ ՄԵՋ

Ս. թ. հոկտեմբերի 6-ից 10-ը Վրաստանի Հանրապետության Թբիլիսիի Իլիայի պետական և Վրաստան համալսարաններում կայացավ Եվրոպական Միության «Էրասմուս + (MENVIPRO) Հայաստանի և Վրաստանի շրջակա միջավայրի պահպանման ծրագրերի արդիականացում» ծրագրի հերթական աշխատաժողովը:

Եռամյա ծրագրի համակարգողը Իտալիայի Տուշցիայի համալսարանն է: Ծրագրում ներառված են գործընկեր հաստատություններ Իտալիայից, Գերմանիայից, Պորտուգալիայից, Հայաստանից և Վրաստանից:

Հայաստանից ծրագրին մասնակցում են Գավառի պետական համալսարանը, ՀՀ գիտությունների ազգային ակադեմիան, ՀՀ ԳԱԱ Ազգային էկոլոգանոոսֆերային հետազոտությունների կենտրոնը:

‹‹MENVIPRO›› ծրագրի նպատակն է Հայաստանում և Վրաստանում շրջակա միջավայրի պահպանության բնագավառում կրթական ծրագրերի արդիականացումը՝ ծրագրերի վերանայման, որակի բարձրացման, դասավանդման և հետազոտությունների արդյունավետության բարձրացման միջոցով։

Օրակարգի համաձայն՝ գործընկեր հաստատությունների պատվիրակները, այդ թվում՝ Գավառի պետական համալսարանի պրոռեկտոր Արսեն Ապրոյանը ներկայացրին ‹‹MENVIPRO›› ծրագրի շրջանակներում մեկ տարվա ընթացքում կատարված աշխատանքների հաշվետվությունն ու անելիքները:

Ծրագրի շրջանակներում կատարվել է SWOT վերլուծություն՝ դասընթացների բովանդակությունը համեմատելով եվրոպական գործընկեր համալսարանների (Տուշցիայի համալսարան, Լիսաբոնի տեխնիկական համալսարան, Մարտին Լյութերի Հալլե Վիթենբերգ համալսարան, Իտալիայի հետազոտությունների ազգային խորհուրդ) և եվրոպական այլ առաջատար համալսարանների (Վախենինգենի համալսարան ու հետազոտական կենտրոն, (Նիդերլանդներ), Օսլոյի համալսարան (Նորվեգիա), Ռեդինգի համալսարան (Անգլիա), Դուբլինի համալսարանական քոլեջ (Իռլանդիա), Նյուքասլի համալսարան (Անգլիա), Թրիերի համալսարան (Գերմանիա), Նորթումբրիայի համալսարան (Անգլիա) կողմից առաջարկվող համարժեք դասընթացների հետ:

ՀՀ ԳԱԱ ԳԿՄԿ արտաքին կապերի բաժնի պետ Արուսյակ Հարությունյանը ներկայացրեց ՀՀ-ում բնապահպանական կրթության SWOT վերլուծությունը, որն իրականացվել էր մի քանի չափորոշիչների համաձայն։ Այն ներկայացնում էր բնապահպանական կրթության ներկա վիճակը ՀՀ-ում, հիմնական շահակիցներին, առկա ռեսուրսները և օրենսդրական կարգավորումները:

Կազմակեպվեց նաև այց վրացական բուհերի լաբորատորիաներ, բնապահպանության և սննդի անվտանգության հետազոտական կենտրոններ:

Հանդիպման ավարտին քննարկվեցին ծրագրի հետագա գործողություններն ու գալիք հանդիպումներին վերաբերող հարցեր:

Այլ նորություններ

Ընտրեք արտարժույթը
betebet giriş bonus veren casino siteleri
betvole betlike süpertotobet megabahis trbet