Նորություններ

ԱԿԱՆՆԵՐԻ ԵՎ ՉՊԱՅԹԱԾ ԶԻՆԱՄԹԵՐՔԻ ՎՏԱՆԳԻ ՄԱՍԻՆ ԻՐԱԶԵԿՄԱՆ ԴԱՍ՝ ԳՊՀ-ՈՒՄ

 

Այսօր Գավառի պետական համալսարանը հյուրընկալել էր Հումանիտար ականազերծման և փորձագիտական կենտրոնի աշխատակիցներին։

Կենտրոնի՝ ականների վտանգի իրազեկման և տուժածների աջակցության բաժնի ավագ մասնագետ Գայանե Սիմոնյանը բովանդակալից շնորհանդեսի միջոցով ներկայացրեց անվտանգ վարքագծի կանոնները, Հայաստանի Հանրապետության ականապատ վայրերը, հնարավոր վտանգները, Հայաստանի տարածքում և Սիրիայում իրականացվող հումանիտար ականազերծման աշխատանքները։ Բանախոսն անդրադարձավ կենտրոնի գործունեությանը, պատասխանեց ուսանողների հարցերին:

«Հումանիտար ականազերծման և փորձագիտական կենտրոն» /ՀԱՓԿ/ ՊՈԱԿ-ը ստեղծվել է ՀՀ կառավարության 2011 թվականի փետրվարի 17-ի որոշման համաձայն։

ՀԱՓԿ-ի գործառույթներն են՝ հումանիտար ականազերծումը, ականային և չպայթած զինամթերքի վտանգի մասին իրազեկումը և ականից տուժած անձանց աջակցությունը։

ՀԱՓԿ-ի ականների վտանգի իրազեկման և տուժածների աջակցության բաժնի աշխատակիցները ՀՀ տարբեր մարզերում պարբերաբար իրականացնում են ականային և չպայթած զինամթերքի վտանգի իրազեկման դասընթացներ՝ համայնքի բնակիչների համար։

Դասընթացների նպատակն է հասարակության շրջանում բարձրացնել անվտանգ վարքագծի կանոնների վերաբերյալ իրազեկվածության մակարդակը։

ԳՊՀ-ում կայացած դասին ներկա էին բուհի տարբեր ֆակուլտետների ուսանողներ, պրոֆեսորադասախոսական և վարչական անձնակազմի ներկայացուցիչներ։

Դասի ավարտին ուսանողները փաստեցին, որ իրազեկման դասը ուսուցողական էր և հետաքրքիր։

Այլ նորություններ

Ընտրեք արտարժույթը
betebet giriş bonus veren casino siteleri
betvole betlike süpertotobet megabahis trbet